Leonard Bernstein (1918-1990) 

Chichester Psalms

Movement II : Psalm 23, entire    Psalm 2, vs. 1-4

תהילים פרק כג

א  מִזְמוֹר לְדָוִד                                            יְהוָה רֹעִי, לֹא אֶחְסָר.
ב  בִּנְאוֹת דֶּשֶׁא יַרְבִּיצֵנִי                                עַל-מֵי מְנֻחוֹת יְנַהֲלֵנִי.
ג  נַפְשִׁי יְשׁוֹבֵב                                              יַנְחֵנִי בְמַעְגְּלֵי-צֶדֶק לְמַעַן שְׁמוֹ.
ד  גַּם כִּי-אֵלֵךְ בְּגֵיא צַלְמָוֶת לֹא-אִירָא רָע   כִּי-אַתָּה עִמָּדִי, שִׁבְטְךָ וּמִשְׁעַנְתֶּךָ הֵמָּה יְנַחֲמֻנִי.
ה  תַּעֲרֹךְ לְפָנַי שֻׁלְחָן נֶגֶד צֹרְרָי                    דִּשַּׁנְתָּ בַשֶּׁמֶן רֹאשִׁי,  כּוֹסִי רְוָיָה.
ו  אַךְ טוֹב וָחֶסֶד יִרְדְּפוּנִי כָּל-יְמֵי חַיָּי           וְשַׁבְתִּי בְּבֵית-יְהוָה לְאֹרֶךְ יָמִים.

תהילים פרק ב

א  לָמָּה רָגְשׁוּ גוֹיִם                  וּלְאֻמִּים יֶהְגּוּ-רִיק?
ב  יִתְיַצְּבוּ מַלְכֵי-אֶרֶץ              וְרוֹזְנִים נוֹסְדוּ-יָחַד:
                     עַל-יְהוָה  וְעַל-מְשִׁיחוֹ.
ג  נְנַתְּקָה אֶת-מוֹסְרוֹתֵימוֹ      וְנַשְׁלִיכָה מִמֶּנּוּ עֲבֹתֵימוֹ.
ד  יוֹשֵׁב בַּשָּׁמַיִם יִשְׂחָק            אֲדֹנָי יִלְעַג-לָמוֹ.